सांग्रिला डेभलपमेण्ट बैंकको ५ हजार कित्ता संस्थापक शेयर विक्रीमा

आर्थिकन्यूज
बुधबार, २२ मंसिर २०७८

काठमाडौं । सांग्रिला डेभलपमेण्ट बैंक लिमिटेडले ५ हजार कित्ता संस्थापक शेयर बुधवारदेखि लिलामीमा ल्याएको छ । बैंकले रुपेश थापाको नाममा रहेको उक्त शेयर विक्रीका लागि बुधवार ३५ दिने सुचना जारी गरेको हो ।

यो शेयर खरिदका लागि विद्यमान संस्थापक शेयरधनीहरुले मात्र आवेदन दिन सक्नेछन् । इच्छुक खरिदकर्ताहरुले बैंकको केन्द्रिय कार्यालय बालुवाटार, काठमाडौंमा लिखित निवेदन दिनुपर्नेछ ।

तोकिएको अवधिभित्र विद्यमान संस्थापक शेयरधनीहरुबाट आवेदन नपरेमा भने अन्य व्यक्ति तथा संस्थाहरुमा विक्रीको प्रकृया अघि बढाईने जानकारी बैंकले दिएको छ ।