काठमाडौं । सिभिल बैंकले मंसिर २४ गते शुक्रवारदेखि निष्कासन गरेको ऋणपत्र पुस ९ गतेसम्म विक्रीमा रहने भएको छ । बैंकले रू. ३ अर्ब बरावरको ३० लाख कित्ता ऋणपत्र खरिदका लागि छिटो अवधि मंसिर २८  गतेसम्म तोकेको थियो । उक्त अवधिभित्र माग बमोजिम आवेदन नपरेपछि ढिलो   अवधि पुस ९ गतेसम्म ऋणपत्र विक्रीमा रहने जानकारी बैंकले दिएको हो । 

बैंकले कुल ३० लाख कित्ता ऋणपत्र मध्ये १२ लाख कित्ता सर्वसाधारणको लागि सार्वजनिक निष्कासनमा ल्याएको हो भने १८ लाख कित्ता ऋणपत्र ब्याक्तिगत तबरबाट विक्री गर्ने जानकारी गराएको छ । सर्वसाधारणको लागि निष्कासन गर्ने कुल १२ लाख कित्ता ऋणपत्र मध्ये ६० हजार कित्ता ऋणपत्र सामुहिक लगानी कोषको लागि छुट्याएको छ भने बाँकी सर्वसाधारणले आवेदन गर्न सक्नेछन् । 

आवेदकले यस ऋणपत्रमा न्यूनतम २५ कित्ता का लागि आवेदन दिन सक्नेछन् भने अधिकतम सम्पूर्ण कित्ताका लागि आवेदन दिन पाउने जानकारी गराएको छ । कम्पनीले १० वर्ष अवधिका लागि वार्षिक १० दशमलव २५ प्रतिशत ब्याजदरमा ऋणपत्र निष्कासन गर्न लागेको हो । धितोपत्र निष्कासन तथा विक्री प्रबन्धक लक्ष्मी क्यापिटल मार्केट लिमिटेड रहेको छ ।