काठमाडौं । कोभिड–१९ को सङ्क्रमणबाट ६ हजारभन्दा बढी बैंक तथा वित्तीय संस्थाका कर्मचारीसहित देशभरका विभिन्न बैंकका सयभन्दा बढी शाखा आइतबारसम्म बन्द भएका छन् ।

वाणिज्य बैंक सञ्चालकहरुको सङ्गठन नेपाल बैंकर्स एसोसिएसनले महामारीको तेस्रो लहरमा त्यहाँका अधिकांश कर्मचारी सङ्क्रमित भएकाले यी खण्डका सेवा पूर्णरुपमा ठप्प भएको बताएको छ ।

 नबिल बैंकका सबैभन्दा बढी १९ वटा शाखा बन्द गरेको एसोसिएसन जनाएको छ भने राष्ट्रिय वाणिज्य बैंकले १५ वटा शाखा बन्द भएका छन्  ।

क वर्गका वाणिज्य बैंकहरु बाहेक ख वर्गका विकास बैंकहरु, ग वर्गका फाइनान्स कम्पनीहरु र घ वर्गका लघुवित्त कम्पनीहरुका धेरै शाखाहरु बन्द भएका सरोकारवालाहरुले बताएका छन् ।

विकास बैंकहरुको संस्था नेपाल विकास बैंकर्स संघका अध्यक्ष प्रद्युम्न पोखरेलले बाँकी शाखाहरु सकेसम्म अधिकतम सुरक्षा उपायहरुका साथ संचालन गरिरहेको बताएका छन्।