उडिरहेको विमानमा टिकटक बनाउने तीन क्याबिन–क्रु कारबाहीमा

आर्थिकन्यूज
शुक्रबार, १७ चैत्र २०७९

काठमाडौं । उडिरहेको विमानमा टिकटक बनाउने तीन क्याबिन–क्रु कारबाहीमा परेका छन् । काठमाडौं–दोहा रुटमा उडानमा रहेको एच९–५६३ उडान नम्बरको हिमालय एयरलाइन्समा तीन जना क्याबिन–क्रुले टिकटक बनाएको आरोपमा कारबाही गरिएको हो ।

एक पुरुष र दुई महिला एयरहोस्टेसले टिकटक भिडियो बनाएका छन् । उक्त समय सो जहाज पाकिस्तानको एयरस्पेसमाथि उडिरहेको बताइएको छ । उनीहरूलाई ६ महिनासम्म उड्न नपाउने गरी कारबाही गरिएको छ ।