जहाज सुरक्षित रुपमा गन्तव्यतर्फ जाँदैछ:मन्त्री किराँती

आर्थिकन्यूज
सोमबार, ११ बैशाख २०८०

काठमाडौं । संस्कृति, पर्यटन तथा नागरिक उड्डयनमन्त्री सुदन किरातीले त्रिभुवन विमानस्थलबाट उडेको फ्लाइ दुबईको जहाज सुरक्षित रुपमा गन्तव्यतर्फ गएको बताएका छन् । उनले सामाजिक संजाल मार्फत यस्तो जानकारी दिएका हुन ।

सोमबार त्रिभुवन विमानस्थलबाट उडेको केहीबेरमा विमानमा आगलागी भएको देखिएको थियो । फोर्स ल्यान्ड गर्न लागिएको जहाजको अवस्था सामान्य भएकोले गन्तव्यतर्फ गएको मन्त्री किरातीले फेसबुकमार्फत जानकारी दिएका छन् ।

उनले लेखेका छन्, ‘फ्लाइ दुबई जहाज सुरक्षित आफ्नो गन्तव्यतिर जाँदैछ, कोही चिन्ता नगर्नुहोला, सबैलाई शुभयात्रा ।’