र्‍यापिड टेस्ट गर्न हिँड्यो काठमाडौँबाट टोली

आर्थिकन्यूज
सोमबार, २४ चैत्र २०७६

काठमाडौँ । कोरोना संक्रमणको आशंका गरिएका बिरामीलाई ‘र्‍यापिड टेस्ट’ गर्नको लागि काठमाडौँबाट स्वास्थ्य प्रावधिकसहितको टोली हिडेको छ । बाग्लुङ, कैलाली र कञ्चपुरमा रहेका कोरोना आशंका गरिएका बिरामीलाई ‘र्‍यापिड टेस्ट’ गर्नको लागि हिँडेको हो ।

काठमाडौँबाट गएको टोलीले त्यहाँका स्वास्थ्यकर्मीसँग समन्वय गरेर मंगलबारबाट ‘र्‍यापिड टेस्ट’ गर्ने काम गर्ने स्वास्थ्य मन्त्रालयले जनाएको छ ।

शनिबार बसेको मन्त्रिपरिषद् बैठकले बाग्लुङ, कैलाली र कञ्चपुरमा ‘र्‍यापिड टेस्ट’ गर्ने निर्णयसँगै सोही अनुसार प्रावधिकसहितको टोली पठाएको हो ।