काठमाडौं । भायानेट कम्यूनिकेशनको डाटामा चोरीको प्रयास भएको छ ।  व्यक्तिगत डाटा जस्तै कि नाम, ठेगाना, इमेल ठेगाना र फोन नम्बरहरुमा अनाधिकारिक घुसपैठ गरिएको कम्पनीले जनाएको छ ।

डाटा उल्लंघनको श्रोत पहिचान गरि सकेको कम्पनीले जारी गरेको विज्ञप्तिमा उल्लेख गरको छ । प्राविधिक टोलीले भविष्यमा हुनसक्ने यस्ता सम्भावित कमजोरीहरुमा नजर राख्न र आवश्यक सुरक्षाको व्यवस्था पनि कार्यान्वयनमा ल्याइसकेका जनाएको छ ।

यो घटनाको बारेमा आन्तरिक टोली, साइबरसेक्योरिटि विज्ञद्वारा विस्तृत छानबिन गरिदैछ र ब्यूरोद्वारा सम्भावित प्रभावको चाँडै नै समाधान गर्न लागेको छ । कम्पनीले कुनै पनि नचिनेको नम्बरबाट आएको कल र एसएमएसको जवाफ नदिन र गैर–प्रमाणित एवं शंकास्पत इमेल नखोल्न भनेको छ ।