एनआरएनएले पठाएका स्वास्थ्य सामग्री काठमाडौं आइपुग्यो

आर्थिकन्यूज
शनिबार, २९ चैत्र २०७६

काठमाडौं । कोरोना भाइरसको महामारी नियन्त्रणका लागि गैरआवासीय नेपाली संघ (एनआरएनए)ले नेपाल सरकारलाई सहयोगस्वरुप प्रदान गरेका स्वास्थ्य सामग्री शुक्रबार काठमाडौं आइपुगेको छ।

एनआरएनए कोरियाले सोलमा खरिद गरेका ४ हजार थान टेस्ट किट र ५०० पीपीइ शुक्रबार कोरियन एयरको उडानबाट काठमाडौं आइपुगेको हो ।

‘कोरियन एयरको उडान न‌ं केइ ९६९५ केही समयअघि त्रिभुवन अन्तर्राष्ट्रिय विमानस्थलमा अवतरण गरेको छ ।

४ हजार थान टेस्ट किटले ४० हजारको कोरोना परीक्षण गर्न सकिनेछ।