उदयपुर । कोरोना भाइरस महामारी नियन्त्रणका लागि त्रियुगा नगरपालिकाले तयारी गरेको क्वारेन्टाइनको आवस व्यवस्थापनमा वल्डभिजनले सहयोग गरेको छ । 

नगरपालिकाले आवासिय सामग्री सहयोगका लागि वल्डभिजनलाई पत्राचार गरेपछि सोमबार पार्टनर संस्था जाल्पा एकिकृत विकास, हुरेण्डेक र नेस्पेक संस्थामार्फत २ लाख ८ हजार ५ सय ६२ रुपैँयाको आवसिय सामग्री सहयोग गरिएको हो । 

वल्डभिजनले क्वारेन्टाइनमा रहेकाहरुलाई ओढ्ने कम्मल ७० थान, त्रिपाल ७० थान, झुल ३५, नाइलन रोप ७० वटा, पलाष्टिक गुन्द्रि २६, वकेट बीस लिटरको ३७ र जर्किन ७४ वटा उपलब्ध गराएको जाल्पा एकिकृत विकास संस्थाका सदस्य सुमन परियारले जानकारी दिए ।

संस्थाले नगरपालिकाका मेयर बलदेव चौधरीलाई सबै सामग्री हस्तान्तरण गरेको हो । वल्डभिजनले कारागारका कैदीबन्दीको अवश्थालाई ध्यान दिँदै कम्मल, झुल, त्रिपाल, नाइलन रोप, गुन्द्रि, वकेट र जर्किन २०/२० थानका दरले उपलब्ध गराएको हुरेण्डेकका अध्यक्ष शंकरबहादुर थापाले जानकारी दिए । 

जिल्लाको अवश्था भयाभह बन्दै गएपछि स्वास्थ्य कार्यालयलाईसमेत ५/५ थान झुल र कम्मल उपलब्ध गराइएको छ । एम्वुलेन्स २४ घण्टा तयारी अवश्थामा कार्यालयमै राख्नु पर्ने भएपछि कार्यालयले एम्वुलेन्स चालकले प्रयोग गर्नेगरी झुल र कम्मल संस्थासँग माग गरेको थियो । 

सामग्री बुझ्दै मेयर चौधरीले संकटको बेलामा सहयोग गर्नु हुने सबैलाई धन्यवाद दिए । उनले भने, ‘यो बेलाको सहयोगलाई जतिसुकै व्याख्या गरेपनि साध्य छैन्, त्यसैले तपाईहरुको साथसहयोगले नगरका जनता सुरक्षित गर्न सहयोग पुग्नेछ ।’