कोरोनाका कारण एकै दिन ७ हजार बढिले ज्यान गुमाए

आर्थिकन्यूज
बुधबार, १० बैशाख २०७७

काठमाडौं । कोरोना भाइरसको संक्रमणका कारण पछिल्लो २४ घण्टामा ७ हजारभन्दा धेरैको ज्यान गएको छ । पछिल्लो २४ घण्टामा मात्रै कोरोना संक्रमणले ७ हजार २२ जनाको ज्यान गएको छ ।

७ हजार २२ जनामा सबैभन्दा धेरै अमेरिकी नागरिक छन् । अमेरिकामा मात्रै २ हजार ७८२ जनाको ज्यान गएको छ । यस्तै पछिल्लो २४ घण्टामा बेलायतमा ८२८, इटलीमा ५३४, फ्रान्समा ५३१, स्पेनमा ४३० तथा जर्मनीमा २२४ को ज्यान गएको छ ।

अहिलेसम्म विश्वभर कोरोनाका कारण १ लाख ७७ हजार ४१९ जनाको ज्यान गइसकेको छ भने साढे २५ लाख भन्दा धेरै संक्रमित रहेका छन् ।