एजेन्सी । कोरोना भाइरस औषधिको बारेमा धेरै प्रयोग र परीक्षणहरू जारी छन् । एन्टिवाइरल रेमडेसिीवीर औषधि कोरोनाका बिरामीहरूमा विगत केही दिनदेखि प्रयोग भइरहेको थियो । यो औषधिको पहिलो अनियमित क्लिनिकल परीक्षणमा असफल भएको छ । चीन औषधि उत्पादक कम्पनीले रेमडेसीवीरले कोविड (१९ को उपचारमा प्रभावकारी साबित गर्न सक्ने बताउदै परिक्षण गरिहेको थियो ।

चीनको यस असफल परीक्षणको ड्राफ्ट गरिएको कागजात विश्व स्वास्थ्य संगठनले अचानक प्रकाशित गरेको थियो । जस अनुसार औषधिले बिरामीहरूको अवस्था सुधार गर्न नसकेको उल्लेख छ । यो औषधिले बिरामीको रगतबाट कीटाणुहरूलाई घटाउन सकेन । 

यो रिपोर्टले विश्वभरीका जनताको आशालाई चकित पारेको छ । यद्यपि अमेरिकी बायोटेक्नोलोजी कम्पनी गिलियड साइंसेजले यो अध्ययनलाई अस्वीकार गरेको छ । विश्व स्वास्थ्य संगठनको क्लिनिकल ट्रायल डाटाबेसले रेमडेसीविर औषधि असफल  परीक्षणको बारेमा विवरण प्रकाशित गरे पछि यो खबर द्रुत रूपमा फैलियो । उक्त खोप सफल भएको भनि सामाजिक सञ्जालमा पोष्ट गरिएको थियोर उही समयमा, डब्ल्यूएचओले पनि पुष्टि गरेको छ कि ड्राफ्ट रिपोर्ट गल्तीले अपलोड गरेको थियो । 

यस मस्यौदाका अनुसार अनुसन्धानकर्ताहरूले २३७ बिरामीहरूको अध्ययन गरेका थिए । ती मध्ये १५८ जना बिरामीलाई रेमडेसिविर औषधिको परिक्षण गरिएको थियो र बाँकी ७९ बिरामीहरूलाई प्लेसबो दिइएर परिक्षण गरिएको थियो । एक महिनापछि प्लेसबो औषधि दिइएका १२.८ प्रतिशत र रेमडेसीविर औषधि दिएका १३.९ प्रतिशतको मृत्यु भएको थियो । यस औषधिको साइड इफेक्टका कारण औषधिको परीक्षण चाँडै रोकियो । अध्ययनका अनुसार, रेमडेसिविर औषधी क्लिनिकल वा भाइरसको लाभसँग सम्बन्धित नभएको समेत बताइएको छ । 

गिलियड कम्पनीले डब्ल्यूएचओको यो पोस्ट अस्वीकार गरेको छ। कम्पनीका प्रवक्ताले भने, “हामीलाई लाग्छ यो अध्ययन अनुपयुक्त तरीकाले गरिएको थियो ।“ यो प्रयोगकर्ताको संख्याका रूपमा सही थिएन र चाँडै खारेज गरियो ।

उनले भने, ’यस अध्ययनको अन्तिम नतिजा भने अझै आइसकेको छैन । जे होस, तथ्यांकले देखाएको छ कोरोनाका बिरामीहरूको उपचारको शुरुमा रेमेडेविर नै दिइयो, यसको सम्भावित लाभहरू देखाइएको छन। म तपाईंलाई बताउँछु इबोलाको उपचारमा यहि औषधी प्रयोग भएको थियो । 

यसभन्दा पहिले शिकागो विश्वविद्यालयका अनुसन्धानकर्ताहरूले  पनि भनेका थिए,  कोविड १९ का १२५ जना बिरामीलाई रमडेसिवीर दिएपछि स्वास्थ्यमा छिटो सुधार आएको थियो । त्यस बेला रेमडेसिवर ड्रगको क्लिनिकल परीक्षणहरू पनि गिलियड साइन्सको तर्फबाट भइरहेको थियो र यसलाई पायलट औषधिको रूपमा प्रयोग गरिदै आएको थियो । 

गिलियडका मुख्य कार्यकारी अधिकृत डेनियल ओडे भन्छन, “रेमडेसिविरको उपचारमा अनुसन्धान भैरहेको छ र यसको प्रयोग विश्वमा कतै पनि स्वीकृत भएको छैन। यस औषधि कति सुरक्षित र प्रभावकारी छ भन्ने पत्ता लगाउने प्रयासहरू पनि भइरहेका छन् ।  यस औषधिले विभिन्न अबस्थामा कसरी काम गर्छ भनेर पत्ता लगाउन विश्वभर थुप्रै क्लिनिकल परीक्षणहरू भइरहेको छन् । 

कम्पनीका अनुसार यो औषधिको परीक्षण गम्भीर कोरोना संक्रमण भएका बिरामीहरूको लागि हो र अर्को सामान्य लक्षण भएका बिरामीहरूको लागि हो । गिलियडले भने छ यदि यो तीन चरणको परीक्षणमा सफल भयो भने यसलाई प्रयोगको लागि एक मिलियन डोजको अनुमति दिन सकिन्छ ।