कोरोना जितेर फर्किए उदयपुुरका थप ८ जना

आर्थिकन्यूज
शुक्रबार, २६ बैशाख २०७७

उदयपुर । उदयपुरका कोरोना संक्रमित मध्ये ८ जना आज निको भएर फर्किएका छन् । विराटनगरको कोरोना उपचार केन्द्रबाट शुक्रबार एकैपटक ८ जना डिस्चार्ज भएका हुन् । लगातार तीन पटकको स्वाब परीक्षणमा कोरोना नेगेटिभ आएपछि उनीहरुलाई डिस्चार्ज गरिएको कोशी अस्पतालले जनाएको छ ।

उदयपुरको भुल्केमा कोरोना संक्रमण पुष्टि भई वैशाख ८, ९ र १० गते ल्याइएका मध्ये एक भारतिय नागरिक र एक महिलासहित ८ जना डिस्चार्ज भएका हुन् ।

उपचार केन्द्रमा रहेका ६ जना गत बुधबार कोरोनामुक्त भएर डिस्चार्ज भएका थिए । ती सबै भारतीय नागरिक थिए । हाल सम्म ७ भारतीय र ७ नेपाली नागरिक डिस्चार्ज भएर फर्किसको छन् ।