उदयपुरमा एकै गाउँका ४ जनामा कोरोना संक्रमण पुष्टि

आर्थिकन्यूज
बुधबार, ०३ असार २०७७

उदयपुर । उदयपुरमा थप ४ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले उदयपुरका ४ जनामा कोरोना भाइरसको संक्रमण भएको पुष्टि गरेका हुन् ।

प्रवक्ता गौतमका अनुसार नयाँ थपिएका संक्रमित त्रियुगा नगरपालिका ४ वगाहाका एकै गाउँका २८ वर्षीया महिला र ३६, ४६, ४८ वर्षीय पुरुष रहेका छन् । संक्रमित चारैजना भारतबाट आएका हुन् । उनीहरुलाई नगरपालिकाले वडा नं ३ स्थित त्रियुगा जनता बहुमुखि क्याम्पस मोतिगडाको क्वारेन्टाइनमा राखेको थियो।

योसँगै उदयपुरमा मात्रै कोरोना संक्रमितको संख्या ४७ पुगेको छ । जसमध्ये ३३ जना निको भएर घर फर्किसकेका छन् ।