थपिए १८६ जना कोरोना भाइरस संक्रमित

आर्थिकन्यूज
सोमबार, ०५ साउन २०७७

काठमाडौं । पछिल्लो २४ घण्टामा थप १८६ जनामा कोरोना भाइरसको संक्रमण पुष्टि भएको छ । स्वास्थ्य मन्त्रालयका प्रवक्ता डा. जागेश्वर गौतमले थप १८६ जनामा कोरोना भाइरसका संक्रमित थपिएको पुष्टि गरेका हुन् ।

हालसम्म नेपालमा कोरोना भाइरसको संक्रिय संक्रमितको संख्या ५ हजार ९३६ रहेको छ । पछिल्लो २४ घण्टामा १७३ जना निको भएर घर फकिएका छन् । योसहित नेपालमा हालसम्म ११ हजार ८ सय ६८ जना उपचारपछि निको भएका छन्।