बलिउड अभिनेता अमिताभ र अभिषेकको कोरोना रिपोर्ट नेगेटिभ, आजै डिस्चार्ज हुने

आर्थिकन्यूज
विहीबार, ०८ साउन २०७७

काठमाडौं । बलिउड अभिनेता अमिताभ बच्चन र उनका छोरा अभिषेक बच्चनले कोरोना भाइरसलाई जित्न सफल भएका छन् । भारतिय मिडियाका अनुसार उनीहरुको पछिल्लो कोरोना रिपोर्ट नेगेटिभ आएको हो ।

कोरोना संक्रमण पुष्टि भएपछि मुम्बाईको नानावटी अस्पतालमा भर्ना भएका अमिताभ र अभिषेकले १२ दिनमै कोरोनालाई जित्न सफल भएका हुन् । उनीहरुका कोरोना नेगेटिभ देखिएपनि एक दुई दिन अस्पतालमै डाक्टरको निगरानीमा रहनुपर्ने भारतिय मिडियाले बताएका छन् ।

उनीहरुलाई आजै अस्पतालबाट डिस्चार्ज गर्ने तयारी रहेको बताइएको छ । त्यस्तै अभिनेत्री ऐश्वर्या राय बच्चन र छोरी आराध्याको कोरोना रिपोर्ट भने आउन बाकीँ रहेको जनाइएको छ ।