काठमाडौं उपत्यकामा थप ६ जनामा कोरोना संक्रमण पुष्टि

आर्थिकन्यूज
शनिबार, १७ साउन २०७७

काठमाडौं । काठमाडौं उपत्यकामा थप ६ जनामा कोरोना भाइरसको संक्रमण देखिएको छ । स्वास्थ्य तथा जनसंख्या मन्त्रालयका प्रवक्त्ता डा. जागेश्वर गौतमले काठमाडौं उपत्यकामा पछिल्लो २४ घण्टामा थप ६ जनामा कोरोना संक्रमण भएको पुष्टि गरेका हुन् ।

प्रवक्ता गौतमका अनुसार राष्ट्रिय जनस्वास्थ्य प्रयोगशाला टेकूमा गरिएको परिक्षणमा काठमाडौंका २ जना, नेपाल प्रहरी अस्पतालमा गरिएको परिक्षणमा काठमाडौंका १ जना, नेपाल कोेरिया मैत्री अस्पतालमा गरिएको परिक्षणमा काठमाडौंका २ जना, भक्तपुरका १ जनामा कोरोना संक्रमण पुष्टि भएको हो ।

योसंगै हाल नेपालभर ५ हजार ३ सय ३८ जना सक्रिय संक्रमित रहेका छन् ।