एजेन्सी । कोरोना भाइरस जस्तो विश्वव्यापी महामारीलाई निर्मूल पार्न विश्वभरि १०० भन्दा बढी देशहरूले भ्याक्सिनमा अनुसन्धान गरिरहेका छन्। यद्यपि धनी र शक्तिशाली देशहरू मात्र यस दौडमा अगाडि बढिरहेका छन्। ब्लूमबर्गको रिपोर्टका अनुसार धेरै पैसा भएका देशहरूले आफ्ना लागि एक अर्ब भन्दा बढी कोरोना भाइरस खोपको बुकिंग गरिसकेका छन । 

यस्तो अवस्थामा चिन्ता बढ्दै गइरहेको छ कि आर्थिक रूपमा कमजोर र विपन्न देशहरू यस विश्वव्यापी महामारीबाट बाहिर निस्कन के उपाय लगाउलान ? भर्खरै, संयुक्त राज्य र बेलायतले खोपको आपूर्तिको लागि सानोफी र यसको पार्टनर ग्लैक्सोस्मिथलाइन पीएलसीसँग सम्झौता गरिसकेका छन । यस पछि, जापानले पनि फाइजर इन्कबीच सम्झौता गरेको छ ।

युरोपियन युनियनले पनि यो खोप प्राप्त गर्न आक्रामक कदम चालिरहेको छ । अन्तर्राष्ट्रिय समूदायले धेरै देशहरूले यो खोपलाई सस्तो र सबैमा पहुँच पु¥याउने प्रतिबद्ध गरेका छन ।  यद्यपि विश्वव्यापी ७ अर्ब भन्दा बढी मानिसहरूमा खोपको डोज पुग्न पर्ने हुन्छ । 

२००९ मा, स्वाइन फ्लू महामारीको बेला पनि खोपको आपूर्तिमा धनी देशहरूको एकाधिकार स्थापना भएको अवस्था देखिएको थियो । लन्डनमा आधारित एनालिटिक्स फर्म एयरफिनिटीका अनुसार अमेरिका, बेलायत, इयु र जापानले हालसम्म करोनो भाइरस खोपको करिब १.३ अर्ब  डोज (सम्भाव्य) पाइसकेको अनुमान गरिएको छ ।