प्रचण्ड निवासका ६ सुरक्षाकर्मीलाई कोरोना संक्रमण

आर्थिकन्यूज
विहीबार, २२ साउन २०७७

काठमाडौं । नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ निवासमा ड्युटीमा बसेका प्रहरीमा कोरोना देखिएको छ। प्रचण्ड निवास खुमलटारको बाहिरी घेरामा खटिएका ६ जना सुरक्षाकर्मीलाई कोरोना भाइरस संक्रमण पोजेटिभ देखिएको हो ।

प्रचण्डको सचिवालयका अनुसार बुधबार निवासमा कार्यरत सबै सुरक्षाकर्मी तथा प्रचण्डको परिवारका सबै सदस्यको स्वाब संकलन गरेर परीक्षण गरिएको थियो । जसमा ६ जना सुरक्षाकर्मीमा कोरोना भाइरस पोजेटिभ देखिएको हो । सुरक्षाकर्मीमा कोरोना देखिएपनि परिवारका सदस्यको रिपोर्ट भने नेगेटिभ आएको छ ।