संघीय संसद सचिवालयका प्रवक्ता पाण्डेलाई कोरोना संक्रमण

आर्थिकन्यूज
विहीबार, २२ साउन २०७७

काठमाडौं । संघीय संसद सचिवालयका प्रवक्तालाई कोरोना भाइरसको संक्रमण पुष्टि भएको छ। संसदका प्रवक्ता रोजनाथ पाण्डेलाई कोरोना संक्रमण पुष्टि भएको हो ।

सांसदको सार्वजनिक लेखा समितिका सदस्य प्रदीप यादवसहितको संसदीय अनुगमन उपसमितिको टोली दुई साताअघि वन व्यवस्थापनबारे अनुगमन गर्न सिन्धुली हुँदै सुदूरपश्चिमसम्म गएको थियो । उक्त टोलीमा रहेका सांसद यादवलाई कोरोना संक्रमण पुष्टि भएपछि प्रवक्ता पाण्डेसहितका सचिवालयका ८ जना कर्मचारीमा पनि कोरोना परीक्षण गरिएको थियो ।

पर्साबाट निर्वाचित उपसमितिका संयोजक प्रदीप यादवलाई पनि केही दिनअघि नै कोरोना संक्रमण पुष्टि भइसकेको छ।