कोरोनाका कारण काठमाडौंमा एकको मृत्यु

आर्थिकन्यूज
शुक्रबार, ०५ भदौ २०७७

काठमाडौं । कोरोना भाइरसका कारण थप एक जनाको मृत्यु भएको छ । मृत्यु हुनेमा काठमाडौंको बलम्बुस्थित एपीएफ अस्पतालमा उपचाररत ७७ वर्षीय पुरुष रहेका छन् ।

ती पुरुष साउन ३० गते सप्तरीको राजविराजबाट काठमाडौं आएका थिए । वीर अस्पतालको प्रयोगशालामा स्वाब दिएका उनको रिपोर्ट ३२ गते पोजेटिभ आएको थियो। उनी ग्रिनसिटीमा उपचार गरिरहेका थिए । उनको अवस्था गम्भीर भएपछि बिहीबार एपीएफ अस्पताल लगिएको थियो । सोहि अस्पतालमा उनको शुक्रबार मृत्यु भएको हो ।