पाँच दिनमै ५ हजार ५ सय बढी कोरोना संक्रमित थपिए

आर्थिकन्यूज
विहीबार, १८ भदौ २०७७

काठमाडौं । पछिल्लो ५ दिनमै ५ हजार ५३७ जना कोरोना भाइरसका संक्रमित थपिएका छन् । आइतबारदेखि आज (बिहिबार)सम्मको पाँच दिनमा ५ हजार बढी संक्रमित थपिएका हुन् ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार आइतबार १२२१ जना, सोमबार ८९९ जना, मंगलबार १०६९ जना, बुधबार ११२० जना र विहीबार, १२२८ जनामा कोरोना भाइरसको संक्रमण पुष्टि भएको हो ।

योसंगै नेपालभर कोरोना संक्रमितको संख्या ४२ हजार ८७७ रहेको छ । जसमा २४ हजार २०७ जना निको भएर घर फर्किसकेका छन् ।