थप १०८१ जनामा कोरोना संक्रमण पुष्टि

आर्थिकन्यूज
बुधबार, २४ भदौ २०७७

काठमाडौं । नेपालमा एक हजार ८१ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार विगत २४ घण्टामा एक हजार ८१ जना नयाँ संक्रमित थपिएका हुन् ।

योसंगै नेपालभर कोरोना संक्रमितको संख्या ४९ हजार २१९ रहेको छ । संक्रमित मध्ये ३३ हजार ८८२ जना निको भएर घर फर्किसकेका छन् ।
पछिल्लो २४ घण्टामा ९१८ जना कोरोनामुक्त भएका छन् भने ६ जनाको मृत्यु भएको छ ।