काठमाडौं उपत्यकामा अहिलेसम्मकै धेरै संक्रमित थपिए

आर्थिकन्यूज
विहीबार, २५ भदौ २०७७

काठमाडौं । काठमाडौं उपत्यकामा थप ५७२ जनामा कोरोना भाइरसको संक्रमण देखिएको छ । स्वास्थ्य तथा जनसंख्या मन्त्रालयका प्रवक्त्ता डा. जागेश्वर गौतमले काठमाडौं उपत्यकामा पछिल्लो २४ घण्टामा थप ५७२ जनामा कोरोना संक्रमण भएको पुष्टि गरेका हुन् । उपत्यकामा संक्रमित थपिएको यो संख्या अहिलेसम्म कै धेरै हो ।

प्रवक्ता गौतमका अनुसार उपत्यकामा आज थपिएका नयाँ संक्रमित काठमाडौंका ४९५ जना, ललितपुरका ४३ जना र भक्तपुरका ३४ जनामा कोरोना संक्रमण पुष्टि भएको हो ।

योसंगै नेपालभर कोरोना संक्रमितको संख्या ५० हजार ४६५ रहेको छ । संक्रमित मध्ये ३५ हजार ७०० जना निको भएर घर फर्किसकेका छन् ।