थप ११५४ जनामा कोरोना संक्रमण पुष्टि

आर्थिकन्यूज
सोमबार, ०५ असोज २०७७

काठमाडौं । नेपालमा ११५४ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार विगत २४ घण्टामा ११५४ जना नयाँ संक्रमित थपिएका हुन् ।

योसंगै नेपालभर कोरोना संक्रमितको संख्या ६५ हजार २७६ रहेको छ । संक्रमित मध्ये ४७ हजार २३८ जना निको भएर घर फर्किसकेका छन् ।

पछिल्लो २४ घण्टामा १००५ जना कोरोनामुक्त भएका छन् भने १६ जनाको मृत्यु भएको छ ।