काठमाडौं । चिनियाँ स्मार्टफोन कम्पनी भिभोले (वाइ २०) बजारमा ल्याएको छ। एआइ ट्रिपल म्याक्रो क्यामेरा र ५ हजार एमएएच ब्याट्री क्षमताको यो सेट अनलाइन प्लेटफार्मबाट बिक्री सुरू गरिएको कम्पनीले जनाएको छ। 

यसमा अल्ट्रा गेमिङ मोड ६.५१ इन्च हलो डिस्प्ले, स्न्याप ड्रयागन प्रोसेसर, ३ जिबी र्यारम, ६४ जीबी स्टोरेज क्षमता रहेको सेटलाई स्टोरेज माइक्रो एसडी कार्ड थपेर २५६ जीबीसम्म बनाउन सकिन्छ।

कम्पनीले यसको बजारमा मूल्य २० हजार ९ सय ९९ रूपैयाँ राखेको छ । अनलाइनबाट पनि खरिद गर्न सकिने कम्पनीले जनाएको छ ।  साइड फिंगर प्रिन्ट, फेस सेन्सर अनलक सुविधासँगै १३ र २–२ मेगापिक्सेलका क्यामेरा रहेको सेटमा एआइ पावर सेभिङ प्रविधि रहेकाले ब्याट्री लामो समय टिक्ने कम्पनीको विज्ञप्तिमा उल्लेख छ। १० वाट चार्जरको साथ उपलब्ध सेटमा ब्याट्रीलाई रीभर्स रीचार्ज पनि गर्न सकिन्छ।