उपत्यकामा थपिए ९०२ जना कोरोना संक्रमित

आर्थिकन्यूज
बुधबार, १४ असोज २०७७

काठमाडौं । काठमाडौं उपत्यकामा थप ९०२ जनामा कोरोना भाइरसको संक्रमण देखिएको छ । स्वास्थ्य तथा जनसंख्या मन्त्रालयकले काठमाडौं उपत्यकामा पछिल्लो २४ घण्टामा थप ९०२जनामा कोरोना संक्रमण भएको पुष्टि गरेको हो ।

आज थपिएका नयाँ संक्रमित काठमाडौंका ६९७ जना, ललितपुरका ११२ जना र भक्तपुरका ९३ जनामा कोरोना संक्रमण पुष्टि भएको हो ।

योसंगै नेपालभर कोरोना संक्रमितको संख्या ७७ हजार ८१७ रहेको छ । संक्रमित मध्ये ५६ हजार ४२८ जना निको भएर घर फर्किसकेका छन् । हाल संक्रिय संक्रमितको संख्या २० हजार ८९१ रहेको छ ।

पछिल्लो २४ घण्टामा १०५७ जना कोरोनामुक्त भएका छन् भने ७ जनाको मृत्यु भएको छ ।