उपत्यकामा संक्रमित बढेका बढ्यै, आज पनि १५९९ जना थपिए

आर्थिकन्यूज
आइतबार, १८ असोज २०७७

काठमाडौं । काठमाडौं उपत्यकामा थप १५९९ जनामा कोरोना भाइरसको संक्रमण देखिएको छ । स्वास्थ्य तथा जनसंख्या मन्त्रालयकले काठमाडौं उपत्यकामा पछिल्लो २४ घण्टामा थप १५९९ जनामा कोरोना संक्रमण भएको पुष्टि गरेको हो ।

आज थपिएका नयाँ संक्रमित काठमाडौंका १३७३ जना, ललितपुरका १८७ जना र भक्तपुरका ३९ जनामा कोरोना संक्रमण पुष्टि भएको हो ।

योसंगै नेपालभर कोरोना संक्रमितको संख्या ८६ हजार ८२३ रहेको छ । संक्रमित मध्ये ६४ हजार ६९ जना निको भएर घर फर्किसकेका छन् । हाल संक्रिय संक्रमितको संख्या २२ हजार २१९ रहेको छ ।

पछिल्लो २४ घण्टामा १३२९ जना कोरोनामुक्त भएका छन् भने ७ जनाको मृत्यु भएको छ ।