थप १५५१ जनामा कोरोना संक्रमण पुष्टि

आर्थिकन्यूज
मंगलबार, २० असोज २०७७

काठमाडौं । नेपालमा १५५१ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार विगत २४ घण्टामा १५५१ जना नयाँ संक्रमित थपिएका हुन् ।

योसंगै नेपालभर कोरोना संक्रमितको संख्या ९० हजार ८१४ रहेको छ । संक्रमित मध्ये ६७ हजार ५४२ जना निको भएर घर फर्किसकेका छन् । हाल संक्रिय संक्रमितको संख्या २२ हजार ७०९ रहेको छ ।

पछिल्लो २४ घण्टामा २३४० जना कोरोनामुक्त भएका छन् भने ९ जनाको मृत्यु भएको छ ।