थप ३७९० जनामा कोरोना पुष्टि, १८ जनाको मृत्यु

आर्थिकन्यूज
सोमबार, ०३ कार्तिक २०७७

काठमाडौं । नेपालमा ३७९० जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार विगत २४ घण्टामा ३७९० जना नयाँ संक्रमित थपिएका हुन् ।

योसंगै नेपालभर कोरोना संक्रमितको संख्या एक लाख ३६ हजार ३६ रहेको छ । संक्रमित मध्ये ९४ हजार ५०१ जना निको भएर घर फर्किसकेका छन् । हाल संक्रिय संक्रमितको संख्या ४० हजार ७७८ रहेको छ ।

पछिल्लो २४ घण्टामा २३३५ जना कोरोनामुक्त भएका छन् भने १८ जनाको मृत्यु भएको छ । योसंगै मृत्यु हुनेको संख्या ७५७ सय पुगेको छ ।