डा.भट्टराईका श्रीमान श्रीमती दुबैलाई कोरोना पुष्टि, सम्पर्कमा आएका सबै सतर्क रहन आग्रह

आर्थिकन्यूज
शनिबार, ०८ कार्तिक २०७७

काठमाडौं । पूर्वप्रधानमन्त्री डा बाबुराम भट्टराई र श्रीमती हिसिला यमीलाई कोरोना पोजेटिभ पुष्टि भएको छ । डा.भट्टराई स्वयंले आफ्नो ट्विटर मार्फत जानकारी दिएका हुन् ।

भट्टराईले सामाजिक सञ्चालमा सार्वजनिक गरेको सूचना अनुसार कात्तिक ७ गते गरिएको स्वाबको परीक्षण नतिजा पोजिटिभ आएको हो । डा. भट्टराईले आफ्नो ट्विटरमा ‘हिसिला र म दुवैलाई कोभिड–१९ को संक्रमण पुष्टि भएको भनेर उल्लेख गरेका छन ।

संक्रमण पुष्टि भएपछि चिकित्सकहरूको सल्लाह बमोजिम दुवै जना होम आइसोलेसनमै रहेको समेत जानरकारी गराएका छन । उनले आफूसँग सम्पर्कमा आएका सबैलाई सतर्क रहन र आफ्नो परिक्षण गर्न समेत आग्रह गरेका छन् ।