उपत्यकामा आज पनि १५३५ जना कोरोना संक्रमित थपिए

आर्थिकन्यूज
आइतबार, ०९ कार्तिक २०७७

काठमाडौं । काठमाडौं उपत्यकामा थप १५३५ जनामा कोरोना भाइरसको संक्रमण देखिएको छ । स्वास्थ्य तथा जनसंख्या मन्त्रालयकले काठमाडौं उपत्यकामा पछिल्लो २४ घण्टामा ६२९ जना महिला र ९०६ जना पुरुष गरि १५३५ जनामा कोरोना संक्रमण भएको पुष्टि गरेको हो ।

योसंगै नेपालभर कोरोना संक्रमितको संख्या एक लाख ५८ हजार ८९ रहेको छ । संक्रमित मध्ये एक लाख ११ हजार ६७० जना निको भएर घर फर्किसकेका छन् । हाल संक्रिय संक्रमितको संख्या ४५ हजार ५७२ रहेको छ ।

पछिल्लो २४ घण्टामा ३३३६ जना कोरोनामुक्त भएका छन् भने ५ जनाको मृत्यु भएको छ । योसंगै मृत्यु हुनेको संख्या ८४७ पुगेको छ ।