थप १९५४ जनामा कोरोना पुष्टि, ११ जनाको मृत्यु

आर्थिकन्यूज
बुधबार, १२ कार्तिक २०७७

काठमाडौं । नेपालमा १९५४ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार विगत २४ घण्टामा १९५४ जना नयाँ संक्रमित थपिएका हुन् ।

योसंगै नेपालभर कोरोना संक्रमितको संख्या एक लाख ६२ हजार ३५४ रहेको छ । संक्रमित मध्ये एक लाख २१ हजार ८२४ जना निको भएर घर फर्किसकेका छन् । हाल संक्रिय संक्रमितको संख्या ३९ हजार ६४३ रहेको छ ।

पछिल्लो २४ घण्टामा २९८१ जना कोरोनामुक्त भएका छन् भने ११ जनाको मृत्यु भएको छ । योसंगै मृत्यु हुनेको संख्या ८८७ पुगेको छ ।