काठमाडौंका प्रजिअ दाहाललाई कोरोना संक्रमण

आर्थिकन्यूज
विहीबार, १३ कार्तिक २०७७

काठमाडौं । काठमाडौंका प्रमुख जिल्ला अधिकारी जनकराज दाहाललाई कोरोना संक्रमण पुष्टि भएको छ। राष्ट्रिय जनस्वास्थ्य प्रयोगशाला टेकुमा गरिएको परीक्षणमा प्रजिअ दाहाललाई कोरोना पुष्टि भएको हो ।

काठमाडौं स्वास्थ्य कार्यालयका अनुासर बुधबार राष्ट्रिय जनस्वास्थ्य प्रयोगशाला टेकुमा गरिएको परीक्षणमा आज कोरोना पुष्टि भएको हो । कोरोनाको लक्षणसँग मिल्दोजुल्दो लक्षण देखिएपछि दाहालले पिसिआर परीक्षण गराएका थिए । सिडिओ दाहालसँगै उनकी श्रीमतीलाई पनि कोरोना संक्रमण पुष्टि भएको छ ।उनीहरु अहिले होम आइसोलेसनमा नै बसिरहेका छन् । उनको स्वस्थ्य अवस्था सामान्य रहेको छ ।