अवैध ५६ थान मोबाइल बरामद

आर्थिकन्यूज
मंगलबार, २५ कार्तिक २०७७

काठमाडौं । काठमाडौं चन्द्रागिरी नगरपालिका(२ नागढुंगाबाट बिल तथा कागजात नभएको विभिन्न कम्पनीका ५६ थान मोबाइल आइतबार दिउँसो प्रहरीले बरामद गरेको छ ।

चितवनबाट काठमाडौंतर्फ आउँदै गरेको बा।३ ख ३१०६ नम्बरको हाईसलाई महानगरीय प्रहरी प्रभाग नागढुंगाबाट खटिएको प्रहरीले जाँच गर्दा हाइसको छतमा कार्टुनमा उक्त मोबाइल फेला पारी बरामद गरेको हो ।

बरामद मोबाइलहरु आवश्यक अनुसन्धान तथा कारवाहीको लागि राजस्व अनुसन्धान विभाग, हरिहरभवन ललितपुर पठइएको महानगरीय प्रहरी वृत्त थानकोटले जनाएको छ ।