काठमाडौं । सरकारले कोरोना बीमा गरेकाको बाहेक अन्यको निशुल्क परिक्षण र उपचार गर्ने भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले कोरोना बीमा गरेकाको बाहेक अन्यको निशुल्क परिक्षण र उपचार गर्ने भएको जानकारी दिएका हुन् । 

गौतमले भने, ‘नेपाल सरकारल कोरोना भाइरसको परिक्षण र उपचार गर्न सूचिकृत गरेका सरकारी प्रयोगशाला र सरकारी अस्पतालमा कोरोना भाइसको लक्षण वा चिन्ह देखिएका बिरामीको परिक्षण र उपचारमा निशुल्क गरिनेछ ।’ उनले थपे, ‘तर, उल्लेखित व्यक्तिहरुले कुनै बीमा कम्पनीमा कोरोना बीमा गरेका छन् भने उनीहरुको कोरोना परिक्षण र उपचार बीमाबाट व्यहोरिने छ । ’ 

सक्षम इच्छुक र योगदान गर्न चाहानेहरुले परिक्षण र उपचारमा योगदान गर्न सक्ने गौतमले जानकारी दिए ।