थप १९१३ जनामा कोरोना पुष्टि, १५ जनाको मृत्यु

आर्थिकन्यूज
विहीबार, २७ कार्तिक २०७७

काठमाडौं । नेपालमा १९१३ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार विगत २४ घण्टामा १९१३ जना नयाँ संक्रमित थपिएका हुन् ।

योसंगै नेपालभर कोरोना संक्रमितको संख्या २ लाख ४ हजार २४२ रहेको छ । संक्रमित मध्ये एक लाख ६४ हजार ५९२ जना निको भएर घर फर्किसकेका छन् । हाल संक्रिय संक्रमितको संख्या ३८ हजार ४६१ रहेको छ ।

पछिल्लो २४ घण्टामा २३४९ जना कोरोनामुक्त भएका छन् भने १५ जनाको मृत्यु भएको छ । योसंगै मृत्यु हुनेको संख्या ११८९ पुगेको छ ।