थप १६६९ जनामा कोरोना पुष्टि, ५६९९ जना निको भए

आर्थिकन्यूज
आइतबार, ०७ मंसिर २०७७

काठमाडौं । नेपालमा १६६९ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार विगत २४ घण्टामा १६६९ जना नयाँ संक्रमित थपिएका हुन् ।

योसंगै नेपालभर कोरोना संक्रमितको संख्या दुई लाख २० हजार ३०८ रहेको छ । संक्रमित मध्ये एक लाख ९९ हजार २४ जना निको भएर घर फर्किसकेका छन् । हाल संक्रिय संक्रमितको संख्या १९ हजार ६३ रहेको छ ।

पछिल्लो २४ घण्टामा ५६९९ जना कोरोनामुक्त भएका छन् भने १६ जनाको मृत्यु भएको छ । योसंगै मृत्यु हुनेकाने संख्या १३२१ पुगेको छ ।