थप १९८० जनामा कोरोना पुष्टि, ३०४३ जना निको भए

आर्थिकन्यूज
सोमबार, ०८ मंसिर २०७७

काठमाडौं । नेपालमा १९८० जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार विगत २४ घण्टामा १९८० जना नयाँ संक्रमित थपिएका हुन् ।

योसंगै नेपालभर कोरोना संक्रमितको संख्या दुई लाख २२ हजार २८८ रहेको छ । संक्रमित मध्ये दुई लाख २ हजार ६७ जना निको भएर घर फर्किसकेका छन् । हाल संक्रिय संक्रमितको संख्या १८ हजार ८८४ रहेको छ ।

पछिल्लो २४ घण्टामा ३०४३ जना कोरोनामुक्त भएका छन् भने १६ जनाको मृत्यु भएको छ । योसंगै मृत्यु हुनेकाने संख्या १३३७ पुगेको छ ।