थप १४७४ जनामा कोरोना पुष्टि, १९३१ जना निको भए

आर्थिकन्यूज
सोमबार, १५ मंसिर २०७७

काठमाडौं । नेपालमा १४७४ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार विगत २४ घण्टामा १४७४ जना नयाँ संक्रमित थपिएका हुन् ।

योसंगै नेपालभर कोरोना संक्रमितको संख्या दुई लाख ३३ हजार ४५२ रहेको छ । संक्रमित मध्ये दुई लाख १४ हजार ५२१ जना निको भएर घर फर्किसकेका छन् । हाल संक्रिय संक्रमितको संख्या १७ हजार ४२३ रहेको छ ।

पछिल्लो २४ घण्टामा १९३१ जना कोरोनामुक्त भएका छन् भने २९ जनाको मृत्यु भएको छ । योसंगै मृत्यु हुनेको संख्या १५०८ पुगेको छ ।