थप १३४३ जनामा कोरोना पुष्टि, २१११ जना निको भए

आर्थिकन्यूज
विहीबार, १८ मंसिर २०७७

काठमाडौं । नेपालमा १३४३ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार विगत २४ घण्टामा १३४३ जना नयाँ संक्रमित थपिएका हुन् ।

योसंगै नेपालभर कोरोना संक्रमितको संख्या दुई लाख ३७ हजार ५८९ रहेको छ । संक्रमित मध्ये दुई लाख २० हजार २७२ जना निको भएर घर फर्किसकेका छन् । हाल संक्रिय संक्रमितको संख्या १५ हजार ७६६ रहेको छ ।

पछिल्लो २४ घण्टामा २१११ जना कोरोनामुक्त भएका छन् भने १३ जनाको मृत्यु भएको छ । योसंगै मृत्यु हुनेको संख्या १५५१ पुगेको छ ।