थप १०१४ जनामा कोरोना पुष्टि, १६२८ जना निको भए

आर्थिकन्यूज
सोमबार, २२ मंसिर २०७७

काठमाडौं । नेपालमा १०१४ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा १०१४ जना नयाँ संक्रमित थपिएका हुन् ।

योसंगै नेपालभर कोरोना संक्रमितको संख्या दुई लाख ४१ हजार ९९५ रहेको छ । संक्रमित मध्ये दुई लाख २७ हजार ४३३ जना निको भएर घर फर्किसकेका छन् । हाल संक्रिय संक्रमितको संख्या १२ हजार ९४८ रहेको छ ।

पछिल्लो २४ घण्टामा १६२८ जना कोरोनामुक्त भएका छन् भने २० जनाको मृत्यु भएको छ । योसंगै मृत्यु हुनेको संख्या १६१४ पुगेको छ ।