थप १२१७ जनामा कोरोना पुष्टि, १०६४ जना निको भए

आर्थिकन्यूज
विहीबार, २५ मंसिर २०७७

काठमाडौं । नेपालमा १२१७ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा १२१७ जना नयाँ संक्रमित थपिएका हुन् ।

योसंगै नेपालभर कोरोना संक्रमितको संख्या दुई लाख ४५ हजार ६५० रहेको छ । संक्रमित मध्ये दुई लाख ३१ हजार ६०१ जना निको भएर घर फर्किसकेका छन् । हाल संक्रिय संक्रमितको संख्या १२ हजार ३८६ रहेको छ ।

पछिल्लो २४ घण्टामा १०६४ जना कोरोनामुक्त भएका छन् भने १२ जनाको मृत्यु भएको छ । योसंगै मृत्यु हुनेको संख्या १६६३ पुगेको छ ।