थप ७३६ जनामा कोरोना पुष्टि, ८४७ जना निको भए

आर्थिकन्यूज
बुधबार, ०१ पुस २०७७

काठमाडौं । नेपालमा ७३६ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा ७३६ जना नयाँ संक्रमित थपिएका हुन् ।

योसंगै नेपालभर कोरोना संक्रमितको संख्या दुई लाख ५० हजार ९१६ रहेको छ । संक्रमित मध्ये दुई लाख ३८ हजार ५६९ जना निको भएर घर फर्किसकेका छन् । हाल संक्रिय संक्रमितको संख्या ९ हजार ७५७ रहेको छ ।

पछिल्लो २४ घण्टामा ८४७ जना कोरोनामुक्त भएका छन् भने १३ जनाको मृत्यु भएको छ । योसंगै मृत्यु हुनेको संख्या १७४३ पुगेको छ ।