थप १४५ जनामा कोरोना पुष्टि, ९० जना निको भए

आर्थिकन्यूज
बुधबार, ११ चैत्र २०७७

काठमाडौं । नेपालमा १४५ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा १४५ जना नयाँ संक्रमित थपिएका हुन् ।

योसंगै नेपालभर कोरोना संक्रमितको संख्या दुई लाख ७६ हजार ३८९ रहेको छ । संक्रमित मध्ये दुई लाख ७२ हजार १८७ जना निको भएर घर फर्किसकेका छन् । हाल संक्रिय संक्रमितको संख्या एक हजार १८२ रहेको छ ।

पछिल्लो २४ घण्टामा ९० जना कोरोनामुक्त भएका छन् भने मृतकको संख्या एक रहेको छ । योसंगै हालसम्म मृत्यु हुनेको संख्या ३०२० पुगेको छ ।