थप १५२ जनामा कोरोना पुष्टि, ६५ जना निको भए

आर्थिकन्यूज
विहीबार, १९ चैत्र २०७७

काठमाडौं । नेपालमा १५२ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा १५२ जना नयाँ संक्रमित थपिएका हुन् ।

योसंगै नेपालभर कोरोना संक्रमितको संख्या दुई लाख ७६ हजार ४६१ रहेको छ । संक्रमित मध्ये दुई लाख ७२ हजार ८५१ जना निको भएर घर फर्किसकेका छन् । हाल संक्रिय संक्रमितको संख्या एक हजार ५७९ रहेको छ ।

पछिल्लो २४ घण्टामा ६५ जना कोरोनामुक्त भएका छन् भने मृतकको संख्या एक रहेको छ । हालसम्म मृत्यु हुनेको संख्या ३०३१ पुगेको छ ।