कोरोना संक्रमितको संख्या ह्यात्तै बढे, ४ जनाको मृत्यु

आर्थिकन्यूज
सोमबार, २३ चैत्र २०७७

काठमाडौं । पछिल्लो २४ घण्टामा नयाँ कोरोना संक्रमितहरुको संख्या ह्यात्तै बढेका छन् । सोमबार २६६ जना फेला परेका छन् । धेरै समयदेखि २ सयभन्दा बढी संक्रमित फेला परेका थिएनन । सोमबार काठमाडौंमा ९८ जना, ललितपुरमा २६ जना, भक्तपुरमा १३ जना र चितवनमा ३७ जनामा कोरोना संक्रमण भेटिएका छन् ।

त्यस्तै सोमबार पछिल्लो २४ घण्टामा ४ जनाको मृत्यु भएको स्वास्थ्य तथा जनसंख्यामन्त्रालयले जनाएको छ । हालसम्म नेपालमा कोरोनाका कारण मृत्यु हुनेको संख्या ३ हजार ३६ पुगेको छ ।