पछिल्लो २४ घण्टामा कोरोनाबाट १३ जनाको मृत्यु, थपिए ४९६ नयाँ संक्रमित

आर्थिकन्यूज
सोमबार, ३० चैत्र २०७७

काठमाडौं । नेपालमा ४९६ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा ४९६ जना नयाँ संक्रमित थपिएका हुन् ।

योसंगै नेपालभर कोरोना संक्रमितको संख्या दुई लाख ८० हजार ५२४ रहेको छ । संक्रमित मध्ये दुई लाख ७४ हजार १६५ जना निको भएर घर फर्किसकेका छन् । हाल संक्रिय संक्रमितको संख्या तीन हजार ३०६ रहेको छ ।

पछिल्लो २४ घण्टामा १३८ जना कोरोनामुक्त भएका छन् भने मृतकको संख्या १३ रहेको छ । हालसम्म मृत्यु हुनेको संख्या ३०५३ पुगेको छ ।