थप ४६० जनामा कोरोना पुष्टि, १५३ जना निको भए

आर्थिकन्यूज
मंगलबार, ३१ चैत्र २०७७

काठमाडौं । नेपालमा ४६० जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा ४६० जना नयाँ संक्रमित थपिएका हुन् ।

योसंगै नेपालभर कोरोना संक्रमितको संख्या दुई लाख ८० हजार ९८४ रहेको छ । संक्रमित मध्ये दुई लाख ७४ हजार ३१८ जना निको भएर घर फर्किसकेका छन् । हाल संक्रिय संक्रमितको संख्या तीन हजार ६०८ रहेको छ ।

पछिल्लो २४ घण्टामा १५३ जना कोरोनामुक्त भएका छन् भने मृतकको संख्या ५ रहेको छ । हालसम्म मृत्यु हुनेको संख्या ३०५८ पुगेको छ ।