पछिल्लो २४ घण्टामा ९०७० जनामा कोरोनाभाइरस संक्रमण पुष्टि

आर्थिकन्यूज
विहीबार, २३ बैशाख २०७८

काठमाडौं । नेपालमा थप ९०७० जनामा कोरोनाभाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार यो संक्रमण अहिलेसम्मकै उच्च हो ।

बुधबार देशभर ८६५९ जनामा संक्रमण पुष्टि भएको थियो । त्यस्तै, ५८ जनाको मृत्यु भएको थियो । यससँगै देशभर कोरोना संक्रमितको कुल संख्या ३ लाख ६८ हजार ५८० र निको हुनेको कुल संख्या २ लाख ९२ हजार ४९० पुगेको छ ।

पछिल्लो २४ घण्टामा २७०७ जना निको भएको पनि मन्त्रालयले जनाएको छ । यस्तै मृतकको कुल संख्या ३ हजार ५२९ पुगेको छ । नेपालमा निको हुनेको प्रतिशत ७९.०४ प्रतिशत रहेको छ ।