थपिए ८९६० जना कोरोना संक्रमित, २१४ जनाको मृत्यु

आर्थिकन्यूज
विहीबार, ३० बैशाख २०७८

काठमाडौं । नेपालमा ८९६० जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा ८९६० जना नयाँ संक्रमित थपिएका हुन् ।

योसंगै नेपालभर कोरोना संक्रमितको संख्या चार लाख ३१ हजार १९१ रहेको छ । संक्रमित मध्ये तीन लाख २१ हजार ५१८ जना निको भएर घर फर्किसकेका छन् । हाल संक्रिय संक्रमितको संख्या एक लाख ५ हजार २०७ रहेको छ ।

पछिल्लो २४ घण्टामा ५०५५ जना कोरोनामुक्त भएका छन् भने मृतकको संख्या २१४ रहेको छ । हालसम्म मृत्यु हुनेको संख्या ४४६६ पुगेको छ ।